Силни експлозии во Техеран и прекини на струја – САД и Израел координираат нови напади врз Иран

Силни експлозии одекнале во Техеран, според информации од повеќе извори на BBC.

Два извори наведуваат дека во делови од иранската престолнина, како и во блискиот град Карај, се забележани прекини во снабдувањето со електрична енергија. Иранските медиуми исто така потврдуваат дека одредени области во двата града останале без струја.

Овие случувања доаѓаат во момент кога се интензивираат воените и дипломатските активности поврзани со конфликтот.

Во меѓувреме, шефот на CENTCOM, адмирал Бред Купер, престојувал во Израел, каде што се сретнал со началникот на Генералштабот на израелската војска, генерал-полковник Ејал Замир.

Според безбедносни извори, двајцата разговарале за продолжување на заедничките операции против Иран, кои во последните денови се фокусирани главно на уништување на капацитетите на иранската воена индустрија.

Портпаролот на израелската армија, бригадниот генерал Ефи Дефрин, изјавил дека војската очекува „во рок од неколку дена“ да ги неутрализира сите клучни цели поврзани со военото производство на Иран.

Ескалацијата на терен, комбинирана со интензивни воени координации, укажува дека конфликтот влегува во нова, потенцијално поопасна фаза.

Share on Facebook

Tweet

Follow us

Save