(Видео) Девојка се обидува да му се измолкне од рацете на момче во Штип, полицајци не го документирале настанот

Штипската телевизија „М-нет“ објави видео на кое се гледа како девојка во центарот на Штип, во близина на Здравствениот дом, е држена за рацете од момче. Таа на повисок тон го моли да ја пушти и во неколку наврати се обидува да се извлече.

Неофицијално, во моментот на инцидентот, на местото случајно поминале двајца униформирани полициски службеници од полициската станица во Штип и ги прашале лицата дали има проблем.

Од МВР за Инфомакс соопштија:

Во врска со видеото објавено на социјалните мрежи за кое прашувате, ве известуваме дека СВР Штип презема соодветни мерки и активности за расчистување на случајот. Исто така ве информираме и дека се преземаат мерки за утврдување на пропусти при работата од страна на полициски службеници по што ќе бидат поднесени соодветни поднесоци.

ВИДЕО

Share on Facebook

Tweet

Follow us

Save