Трамп: Иран не смее да им наплаќа на танкерите за премин низ Ормускиот теснец

Американскиот претседател Доналд Трамп изјави дека Иран не смее да им наплаќа на танкерите за премин низ Ормускиот теснец.

-Постојат извештаи дека Иран им наплаќа на танкерите за премин низ Ормускиот теснец. Подобро да не го прават тоа, а ако го сторат тоа, треба веднаш да го спречат – напиша Трамп на социјалната мрежа Truth Social.

Иран би можел да бара плаќање за премин во криптовалута за време на двонеделното примирје со САД, објави „Фајненшл тајмс“, цитирајќи го Хамид Хосеини, претставник на Здружението на извозници на нафта, гас и петрохемикалии.

Западните лидери се спротивставија на можноста за наплата за премин низ теснецот. Трамп во посебен пост рече дека „нафтата повторно ќе почне да се движи, со или без помош на Иран“.

Сообраќајот низ Ормускиот теснец беше далеку под 10 проценти од нормалниот во четврток, и покрај кревкото примирје, бидејќи Иран ги предупреди бродовите да останат во неговите територијални води.

Ормускиот теснец е една од клучните светски бродски линии, преку која се пренесуваат околу 20 проценти од глобалните испораки на нафта и течен природен гас.

Share on Facebook

Tweet

Follow us

Save