Општина Чаир ќе ги отстранува хаварисаните автомобили од улиците: Пуштени се предупредувања

Започна акција за евидентирање и отстранување на напуштени и оштетени возила што се вон употреба на територијата на Општина Чаир.

Од Општината ги предупреди сопствениците на овие возила дека треба да ги отстранат во предвидениот рок, со цел да се избегнат понатамошни мерки согласно комуналниот ред.

„Стотици автомобили кои со години заземале јавни површини, неподвижни и без функција, си заминуваат еден по еден. Ова ќе значи повеќе паркинг места за жителите, повеќе ред и поголема безбедност во нашите населби. Оваа акција носи поевтини паркинг места, полесна циркулација и почиста и уредена средина“, напиша градоначалникот Изет Меџити на Фејсбук.

Засега, на хаварисаните возила се залепени предупредувања од Општината до сопствениците на овие автомобили, за самите да ги отстранат во рок од неколку денови.

Share on Facebook

Tweet

Follow us

Save