Осум деца убиени во пукање во Луизијана – најмладата жртва имала само една година!

Осум деца, на возраст од една до 14 години, загинаа во пукање во Шривпорт, Луизијана, кое полицијата го опишува како „семеен инцидент“.

Полицијата соопшти дека пукањето се случило околу 05:00 часот по локално време, кога еден напаѓач застрелал 10 лица. Полицијата го бркала и го ликвидирала напаѓачот додека се обидувал да избега.

„Имаме семејства што страдаат, имаме полицајци што страдаат, како и персонал од судската медицина“, изјави Том Арсено, градоначалникот на Шривпорт. „Ова ја погодува целата заедница, па сите тагуваме заедно со овие семејства.“

Полицијата не го идентификуваше напаѓачот ниту жртвите, но соопшти дека дел од децата биле во роднинска врска со починатиот напаѓач. Најмладата жртва имала една година, а најстарата 14 години.

Share on Facebook

Tweet

Follow us

Save