Мета отпушта 10 проценти од работните места, инвестира во проекти за вештачка интелигенција

Компанијата Мета денес ги информираше вработените дека следниот месец ќе скрати 8.000 работни места, или околу 10 проценти, и се откажа од пополнување на неколку илјади отворени позиции, бидејќи одлучи да инвестира многу повеќе отколку порано во проекти за вештачка интелигенција.

Се наведува дека Мета ќе инвестира 135 милијарди долари во проекти за вештачка интелигенција оваа година, што е износот што го потрошила во таа област во претходните три години, објавува Би-Би-Си.

Портпаролот на Мета го потврди планираното намалување на бројот на вработени, но одби да даде понатамошен коментар.

Извршниот директор на Мета, Марк Закерберг, во јануари објави дека голем број работни места ќе бидат скратени во текот на годината, истакнувајќи дека, благодарение на вештачката интелигенција, едно лице сега може да заврши проекти за кои претходно би бил потребен голем тим.

Иако Мета веќе отпушти околу 2.000 вработени во два наврати оваа година, оние што останаа во компанијата се подготвуваа за многу поголем бран отпуштања.

Share on Facebook

Tweet

Follow us

Save