Иранската војска предупредува: „Морската блокада ќе предизвика решителен воен одговор“

Иранската војска предупреди дека секоја продолжена „морска блокада и пиратство во регионот“ од страна на САД ќе предизвика „решителен воен одговор“ од Техеран.

Во соопштението на иранските вооружени сили се наведува дека САД и Израел ќе се соочат со „големи загуби“ доколку продолжи, како што ја нарекуваат, „обновената агресија врз Иран“, пренесува Н1.

Во меѓувреме, иранскиот министер за надворешни работи, Абас Аракчи, денес го напушти Пакистан, кој е главен посредник во преговорите меѓу Техеран и Вашингтон.

Набргу потоа, американскиот претседател Доналд Трамп соопшти дека се откажува од испраќање американска преговарачка делегација во Пакистан за мировни разговори со Иран.

Share on Facebook

Tweet

Follow us

Save