INFOMAX.MK

Соопштение за јавност

По одлуката да ги внесе Бугарите во Уставот, Христијан Мицкоски сега сфати дека мора да го апси и Никола Груевски за да си ја обезбеди власта.

Со исполнувањето на овие две услови: внесување на Бугарите во Уставот и апсењето на Груевски – Мицкоски сака да си создаде подобра слика пред Европа и да се претстави како „човек кој е за ЕУ“.

Се разбира, тоа е само маска.

Целта е да ја продолжи својата власт и да си обезбеди уште време за непречена кражба.

Мицкоски ги исчисти сите потпретседатели во партијата, чувајќи ја фотелјата за Груевски.

Сè уште не му ги заврши поништувањата на судските процеси, а сега гледа можност од позицијата на „чувар на фотелјата“ да ја преземе целосната власт во партијата.

Веќе не му е ниту Николоски пречка, против него води кампања цело време.

Мицкоски не го апси Груевски затоа што сака правда. Тој сака го апси за да ја обезбеди својата власт и да ја продолжи кражбата.

Граѓаните кои сè уште му веруват треба да знаат: Мицкоски не е нивен заштитник. Тој е човекот кој е подготвен да го жртвува и Груевски за да ја задржи фотелјата.

Најголемиот предавник во Македонија е Мицкоски.

Ги предаде своите гласачи ветувајќи укинување на Преспанскиот Договор, враќање на името, сега ќе го жртвува својот политички татко Груевски и на крај ќе ги внесе Бугарите во Уставот.

Мицкоски и оваа криминална група работат по примерот на најголемиот пропагандист на дваесеттиот век Гебелс, кој рекол: „Обвини го противникот за она што самиот го правиш.“

Ова служи за да се создаде конфузија, да се збуни јавноста и да се префрли вината пред да се открие вистинската намера.

Вториот дел од учењето на Гебелс, кој Мицкоски го спроведува преку Орбановите медиуми, е ширење дезинформации и страшна поделба на граѓаните предизвикана од омраза преку медиумска пропаганда.

Целта на пропагандата што ја водат не е само да се верува во лагата, туку да се уништи способноста на луѓето да ја разликуваат вистината.

Доаѓа времето на вистината!