Макрон: Франција никогаш не планирала да испраќа воени бродови во Ормутскиот теснец

Францускиот претседател Емануел Макрон изјави дека никогаш не се зборувало за распоредување француски или француско-британски сили во Ормутскиот теснец, нагласувајќи дека Франција е подготвена да дејствува, но дека нејзин приоритет е слободата на пловидба и крајот на блокадите на меѓународните поморски патишта.

Макрон, според BFM TV, изјавил дека пред неколку дена било одлучено носачот на авиони „Шарл де Гол“, заедно со придружните фрегати и целата воздухопловна и поморска група, да се премести од источниот Медитеран во областа надвор од теснецот Баб ел-Мандеб, во поширок регион блиску до кризните зони. Тој нагласи дека ова не е распоредување во смисла на ескалација, туку за подготвеност на француските сили.

Макрон, како што објави Фигаро, додаде дека ставот на Париз е јасен уште од почетокот на кризата во Ормутскиот теснец и дека се залага за слобода на пловидба, укинување на блокадите и деескалација на тензиите, а воедно повикува на враќање на преговорите за нуклеарните и балистичките прашања во согласност со меѓународното право.

Share on Facebook

Tweet

Follow us

Save