Иран постави пет услови за да влезе во нова рудна преговори со САД

Иран нема да влезе во втората рунда преговори со САД доколку не се исполнат пет услови за градење доверба, објави новинската агенција Фарс.

Во соопштението на Фарс се наведува дека Техеран ги смета овие услови за минимални гаранции неопходни за почеток на какви било нови преговори со Вашингтон.

Според извештајот, условите на Иран вклучуваат крај на војната на сите фронтови, особено во Либан, укинување на санкциите, ослободување на замрзнатите ирански средства, надомест за воена штета и признавање на суверените права на Иран над Ормутскиот теснец.

Иран, исто така, ги информираше пакистанските медијатори дека продолжувањето на американската поморска блокада во Арапското Море и Оманскиот Залив по прекинот на огнот дополнително ја зајакна недовербата на Техеран во преговорите со САД, објави новинската агенција Фарс.

Во извештајот се додава дека условите се дефинирани исклучиво во рамките на создавање минимална доверба за враќање на преговорите и дека Техеран верува дека новите преговори не можат да започнат без нивно практично спроведување.

Според „Фарс“, Иран поставил пет услови како одговор на предлогот од 14 точки на САД.

Во извештајот се тврди дека американскиот предлог бил целосно едностран и имал за цел Вашингтон да ги постигне целите што не успеал да ги постигне за време на војната преку преговори.

САД и Израел започнаа напади врз Иран на 28 февруари, предизвикувајќи ирански одговор против Израел, како и против сојузниците на САД во Заливот, затворајќи го Ормутскиот теснец.

Примирјето, постигнато со посредство на Пакистан, стапи на сила на 8 април, но разговорите во Исламабад не доведоа до траен договор. Примирјето подоцна беше продолжено на неодредено време од страна на американскиот претседател Доналд Трамп.

Во неделата, Иран му го испрати на Пакистан својот одговор на предлогот на САД за прекин на војната, но Трамп го отфрли како целосно неприфатлив.

Share on Facebook

Tweet

Follow us

Save