Русија и Украина разменија воени заробеници

205 Украинци се домa, објави украинскиот претседател Волоидмир Зеленски на Фејсбук.

– Денес, војниците на вооружените сили на Украина, Националната гарда и Државната гранична служба се враќаат од руско заробеништво. Ова е првата фаза од размената 1.000 за 1.000. Меѓу ослободените има војници, наредници и офицери.

Повеќето од нив беа во руско заробеништво од 2022 година. Тие ја бранеа Украина во Мариупол и кај Азовстаљ, во секторите Донецк, Луганск, Харков, Херсон, Запорожје, Суми и Киев, како и во нуклеарната централа Чернобил. Им благодарам на сите што работат на враќање на нашите луѓе дома – пред сè, на нашите војници, кои го надополнуваат фондот за размена на Украина и на нашиот тим. Им благодарам на сите партнери кои помагаат во ослободувањето на Украинците од заробеништво. Ќе продолжиме да се бориме за секое лице кое останува во заробеништво. – објави Зеленски.

Share on Facebook

Tweet

Follow us

Save