Маѓар сака да ја прошири Вишеградската четворка и со земјите од Западен Балкан

Унгарскиот премиер Петер Маѓар изјави дека сака да ја прошири соработката на Вишеградската четворка и со други земји, меѓу нив и земјите од Западен Балкан кои уште не влегле во ЕУ.

Унгарскиот премиер Петер Маѓар вети дека до 2035 година ќе ја прекине зависноста на Унгарија од руската енергија, а енергетиката најверојатно ќе биде на дневен ред во Полска. Тој додаде дека тоа е „приоритетно прашање за двете земји“.

Унгарскиот премиер Петер Маѓар изјави дека сака да ја прошири соработката на Вишеградската четворка и со други земји, меѓу нив и земјите од Западен Балкан кои уште не влегле во ЕУ.

Унгарскиот премиер Петер Маѓар вчера ја започна дводневната посета на Полска, негово прво патување во странство откако ја презеде функцијата. Посетата е богата со симболика за лидер кој сака да ја врати својата земја кон европскиот мејнстрим, пишува „Ројтерс“.

– Подготвен сум да ја прошириме соработката на Вишеградската четворка и на други земји, можеби скандинавските држави, Австрија, Хрватска, Словенија, Романија и земјите од Западен Балкан кои уште не влегле во ЕУ – рече Маѓар.

За помалку упатените, Вишеградската група е културна и политичка алијанса на четири средноевропски држави – Чешка, Унгарија, Полска и Словачка, кои се членки на ЕУ и на НАТО, со цел унапредување на меѓусебната воена, културна, економска и енергетска соработка со понатамошна нивна интеграција во ЕУ. Во групата моментално членуваат Полска, Унгарија, Чешка и Словачка.

Полскиот премиер Доналд Туск, со кого Маѓар се среќава денеска, во 2023 година ја доведе на власт проевропската коалиција во Полска, ги поправи односите со Брисел и одблокираше милијарди евра средства што беа замрзнати поради загриженост за владеењето на правото.

Маѓар се надева дека ќе го повтори тој успех, откако во април извојува убедлива победа над националистот Виктор Орбан — резултат што Туск го претстави како удар врз авторитарното владеење и како дел од пресврт во централноевропската политика, подалеку од евроскептичниот национализам.

Односите меѓу Варшава и Будимпешта се влошија до отворено непријателство додека Туск и Орбан се судираа околу конфронтирачкиот пристап на унгарскиот лидер кон Украина и неговите топли односи со Русија.

— Само треба да се вратиме во нормала. Треба да разговараме едни со други и да бараме што ни е заедничко, какви сличности имаме, а тоа не е тешко кога станува збор за полско-унгарските односи — им рече Маѓар на новинарите во Краков.

Посетата на Маѓар ќе го однесе низ Полска — од Краков, каде што пристигна вчера со комерцијален лет, до главниот град Варшава, а потоа и до балтичкиот пристанишен град Гдањск.

Маѓар во понеделникот изјави дека во вторник навечер ќе патува со воз до Варшава по „брза железничка линија изградена со средства од ЕУ — од ‘злобниот Брисел’“, алудирајќи на антиевропската реторика на Орбан.

Тој рече дека одлуката да ја проба полската железничка мрежа е поврзана со желбата еден ден да се изгради брза железничка врска меѓу Варшава и Будимпешта.

Маѓар ќе биде придружуван од повеќе министри, меѓу кои и министерката за надворешни работи Анита Орбан, министерот за економија и енергетика Иштван Капитањ, министерот за транспорт и инвестиции Давид Витези и министерот за одбрана Ромулуш Русин-Сенди.

Една од можните теми на разговор е како поранешниот полски министер за правда Збигњев Зјобро, кого обвинителите во Варшава го бараат по обвиненија за злоупотреба на службената положба и кому Виктор Орбан му одобри азил во Унгарија, успеал да побегне во САД пред инаугурацијата на Маѓар.

Маѓар во понеделникот изјави дека Зјобро не летал директно од Унгарија за САД. Во вторникот Маѓар рече дека ќе ѝ каже на полската влада што знае за поранешниот министер.

Маѓар вети дека до 2035 година ќе ја прекине зависноста на Унгарија од руската енергија, а енергетиката најверојатно ќе биде на дневен ред во Полска. Тој додаде дека тоа е „приоритетно прашање за двете земји“.

Варшава планира да ѝ понуди на Будимпешта пристап до американски течен природен гас преку новиот терминал во Гдањск, кој треба да почне со работа во 2028 година, изјави извор запознаен со прашањето. „Орлен“ веќе продава американски течен природен гас на Украина.

Полска планира и да разговара за поддршката за Украина, како и за идната рамка на соработка во Вишеградската група на централноевропски земји, изјавија официјални владини претставници

Share on Facebook

Tweet

Follow us

Save