Путин нареди одмазда за „терористичкиот чин“ кога украински дрон изврши напад врз студентски дом во окупиран регион

Рускиот претседател Владимир Путин нареди одмазда за она што го нарече смртоносен украински напад врз студентски дом во окупиран град, во кој властите велат дека загинале најмалку 18 лица. Путин го нарече нападот со беспилотно летало, што се случи вчера во Старобилск во окупираниот регион Луганск, „терористички чин“ и му нареди на Министерството за одбрана да подготви предлози за одговор.

Руската државна новинска агенција „Тасс “денес објави дека бројот на жртви се искачил на 18, велејќи дека станува збор за „деца убиени во украински напад со беспилотно летало“ и повикувајќи се на руското Министерство за вонредни ситуации. Се верува дека уште три лица се заробени под урнатините. Напад со толку голем број жртви, толку далеку од фронтовските линии и без очигледна воена цел, би бил многу необичен.

Од друга страна, украинската војска го отфрли тврдењето на Путин и ги обвини руските медиуми за ширење „манипулативни информации“. Тие го повторија својот став дека напаѓаат само „воена инфраструктура и објекти што се користат за воени цели“ и објаснија дека една од целите што беа погодени рано наутро во петокот била „една од штабовите на единицата Рубикон во областа Старобилск“.

Ова е елитен центар за напредни беспилотни технологии, основан во 2024 година, кој се смета за лидер во развојот на руски беспилотни летала и технологија за таргетирање.

Share on Facebook

Tweet

Follow us

Save