Украина и Молдавија започнуваат преговри за членство во ЕУ на 15 јуни

Унгарија сигнализираше дека ќе се откаже од долгогодишното противење на кандидатурата на Украина за членство во ЕУ, што ќе ѝ овозможи на таа земја и на Молдавија да започнат формални преговори за приклучување кон блокот во наредните денови.

Отворањето на првиот преговарачки „кластер“ – формален чекор на патот кон членство – е закажан да се одржи за време на меѓувладината конференција во Луксембург на 15 јуни.

Киев и Кишињев аплицираа за членство во ЕУ истовремено, што значи дека кандидатурата на Молдавија може да напредува само ако и Украина го стори тоа.

Амбасадорите на ЕУ ќе го финализираат својот став за тоа дали да се отвори првиот кластер за Украина и Молдавија до крајот на оваа недела, откако Украина ќе ги презентира своите планови за внатрешни реформи, како и за решавање на прашањето на малцинствата. Потоа, земјите од ЕУ ќе го одобрат отворањето на кластерот за Украина и Молдавија на меѓувладината конференција на 15 јуни.

Отворањето на кластерите бара едногласно одобрување од сите 27 земји-членки на ЕУ. Секоја земја може да го блокира процесот во која било фаза, или со спротивставување на првиот кластер или на кој било од последователните чекори на патот кон членство.

Пишува: Борјан Јовановски

Share on Facebook

Tweet

Follow us

Save