Биткоинот падна под 60.000 долари првпат по победата на Трамп во 2024 година

Биткоинот падна под 60.000 долари за првпат од октомври 2024 година, продолжувајќи го пресвртот од миленик на пазарите по реизборот на американскиот претседател Доналд Трамп во жртва на брзо променливата шпекулативна средина.

Најголемата криптовалута во петокот за време на тргувањето во Њујорк потона за дури 6 отсто, на 59.770 долари. Биткоинот изгуби повеќе од половина од вредноста откако достигна рекорд над 126.000 долари во октомври минатата година и сега вреди помалку отколку во моментот кога Трамп повторно влезе во Белата куќа со про-крипто агенда.

Најновиот пад беше поттикнат од комбинација на повлекување средства од ЕТФ-фондови поврзани со биткоинот, обновени геополитички тензии и растечки сомнежи околу одржливоста на еден од најважните извори на побарувачка на пазарот. „Стратеџи“ (Strategy Inc.), софтверската компанија што се трансформираше во „мотор“ за акумулација на биткоини и која е кооснована од Мајкл Сејлор, стана центар на загриженоста околу одржливоста на моделот на корпоративни резерви во дигитални средства, кој помогна во последниот голем раст на пазарот.

Share on Facebook

Tweet

Follow us

Save