Србин убиен во Барселона: Непознат напаѓач го погодил со неколку куршуми

Маж од српско потекло синоќа бил застрелан и убиен од непознат напаѓач во Барселона, објави „АБЦ“.

Според каталонската полиција, жртвата, чиј идентитет сè уште не е официјално потврден, била погодена со неколку куршуми во областа Зона Франка.

Неколку сведоци се обиделе да го реанимираат, но без успех, и тој починал кратко потоа.

Полицијата моментално се обидува да го лоцира напаѓачот, кој побегнал од местото на настанот.

Само две недели претходно, на истата улица и на само неколку метри од местото на нападот, бил убиен уште еден маж.

Случајот ги вознемири жителите поради зголемениот број на вооружени напади во регионот.

Според локалните власти, најмалку 93 инциденти со огнено оружје биле регистрирани во текот на последната година.

Полициските извори засега ја исклучуваат можноста за поврзаност меѓу двата убиства.

Истрагата сè уште е во тек и засега нема приведени.

Share on Facebook

Tweet

Follow us

Save