INFOMAX.MK

На годишното собрание на „European Free Alliance“ едногласно се изгласа декларација, со која се бара од Бугарија, формално да се извини за сите злосторства кои ги има нанесено врз македонското малцинство, за време на комунистичкото владеење. Ова на својот фејсбук профил го објави македонска национална политичка организација во Република Бугарија „ОМО Илинден“.

ЕФА повикува за:

Висока свест:

Неопходни се концентрирани напори за истакнување на сериозната ситуација со човековите права на македонското малцинство во Бугарија, конкретно адресирајќи го одбивањето на државата да спроведе над 14 решение на Судот за човекови права кои се однесуваат на регистрацијата на македонските организации, како и говорот на омраза кој тие го поднесуваат.

Правна одговорност: Европската Унија мора строго да ја повика Бугарија на одговорност за нејзините правни обврски како земја-членка на ЕУ, особено во врска со обврските за човековите и малцинските права кои Бугарија постојано не успева да ги исполни.

Ставање крај на двојните стандарди: Прекин на примената на двојни стандарди од ЕУ кон земјите-членки и земјите-кандидати во врска со заштитата и третманот на националните малцинства и унапредувањето на нивните права.

Политичка застапеност: Подигнување на сериозното прашање за вклучување на македонски претставник во Националниот совет за соработка по етничките и интеграциските прашања во Бугарија, со цел заедницата конечно да биде вклучена и претставена.

Официјално извинување за историските злосторства: Барање Бугарија официјално да се извини за злосторствата што ги извршила врз своето македонско малцинство за време на комунизмот. Ова мора да ги признае илјадниците Македонци кои беа претепани, присилно раселени, понижувани, казнувани, затворани и убивани поради изразувањето на својот етнички идентитет и противењето на бугарските политики на денационализација.