Судар на комбе со камион на патот Свети Николе – Куманово, 11 лица пренесени во болница

Единаесет лица се пренесени во Клиничката болница во Штип по тешка сообраќајна незгода што се случила вчеравечер на магистралниот пат Свети Николе – Куманово. Ова се првите, неофицијални информации кои ги пренесоа дел од медиумите по сообраќајката.

Според првичните информации, се судриле комбе и камион. Повредените со возила на Итната медицинска помош се транспортирани во Клиничката болница Штип, каде што им била укажана лекарска помош.

На местото на несреќата се вршеше увид од страна на надлежните служби, а официјални информации за сообраќајката очекуваме од МВР. 

Share on Facebook

Tweet

Follow us

Save