Од понеделник големо намалување на горивата: Се очекуваат пониски цени од 7 денари на дизелот и 4 денари на бензините

Граѓаните и превозниците во Македонија можат да здивнат. Од понеделник се очекува драстичен пад на цените на нафтените деривати на бензинските пумпи низ земјава, како резултат на смирувањето на геополитичките тензии на Блискиот Исток и падот на цената на суровата нафта.

Како што рече денеска премиерот Христијан Мицкоски, според направените пресметки, и покрај благиот раст на вредноста на доларот, математиката покажува сериозно олеснување за џебот на граѓаните. 

„Имајќи ги предвид сите аспекти и имајќи предвид дека на мировна масе се и Израел и хезболах, очекувам оваа криза да се заокружи и да влеземе во помирни води, што би значело до крајот на годината просечна цена за барел помеѓу 70 и 80 долари. Ние правевме наши калкулации, малку е зголемена и вредноста на доларот, очекувам во понеделник, врз основа на тие калкулации, бензините околу 4 денари по литар да се намалат, а дизелот нешто повеќе, околу 7 денари по литар да се намали. Да почекаме, во понеделник Регулаторната комисија и официјално да ги каже овие бројки“, рече Мицкоски.

Share on Facebook

Tweet

Follow us

Save