Зеленски: Русија сака да им нанесе што е можно повеќе страдање и штета на Украинците

Украинскиот претседател Володимир Зеленски изјави дека масовните воздушни напади извршени од Русија во текот на ноќта меѓу неделата и понеделникот биле намерно насочени кон цивили и инфраструктура во Украина, со цел да се предизвика што е можно поголемо страдање и штета.

Доцна синоќа, Зеленски на социјалните мрежи објави дека Русија истрелала 68 ракети, вклучително и бројни балистички ракети, како и повеќе од 350 беспилотни летала.

Киев и околниот регион биле главна цел на нападот, наведе Зеленски на Телеграм, обвинувајќи ја Москва дека „сака да им нанесе што е можно повеќе страдање и штета на Украинците и на Украина“.

Зеленски изјави дека операциите за спасување продолжуваат, особено во градот Вишнево во близина на Киев, и додаде дека владата ќе издвои итни средства за помош на општината, бидејќи обемот на уништувањето ги надминал капацитетите на локалните власти.

Според последните податоци, во руските напади загинале 22 лица, а околу 90 се повредени.

Share on Facebook

Tweet

Follow us

Save