Украина го обвини Меѓународниот олимписки комитет за лицемерие

Челниците на украинскиот спорт ја осудија денеска одлуката на Меѓународниот олимписки комитет (МОК) привремено да ја укине суспензијата на Рускиот олимписки комитет, која беше во сила од октомври 2023 година.

„Да се награди Русија со таква одлука додека нашиот главен град тагува по жртвите на бруталниот руски напад е врв на лицемерие“, изјави министерот за спорт на Украина, Матвиј Бидни.

Одлуката на МОК беше официјално објавена во вторникот, а ден претходно руските сили извршија жестоки воздушни напади врз Киев, при што загинаа 28 лица, а повеќе од 100 беа повредени. Во вторникот во Киев беше прогласен ден на жалост.

„Не ја разбирам одлуката, бидејќи Украина редовно му доставува на Меѓународниот олимписки комитет докази и податоци дека Русија продолжува со своите активни операции на нашите окупирани територии“, додаде Бидни.

Откако руската инвазија на Украина започна во февруари 2022 година, МОК го суспендираше Рускиот олимписки комитет во октомври следната година, меѓу другото, поради признавање на регионалните олимписки совети во руските окупирани делови од Украина, во Донецк, Луганск, Херсон и Запорожје.

„Им упатувам покани на членовите на МОК и претседателката Кирсти Ковентри да ги посетат нашите уништени спортски академии и да се сретнат со младите украински спортисти кои мора да тренираат под сирените и ударите на руските напади‘, порача Бидни.

МОК сè уште не одлучил дали руските ќе можат да настап под националните обележја и дали руската химна ќе може да се интонира на летните Олимписките игри 2028 во Лос Анџелес.

Share on Facebook

Tweet

Follow us

Save