Денес се празнува Пренос на моштите на Светите маченици Кир и Јован
Се празнуваат на 31 јануари. Под тој датум е опишано нивното житие и страдање. На 28 јуни се празнува преносот на нивните мошти од Канопос во Манутин и многубројните чуда што се случија притоа. Александрискиот патријарх Св. Кирил истрајно се молеше на Бога да го уништи идолското нечестие во Манутин, кај што имаше идолски храм и владееше демонска сила. Тогаш на патријархот му се јави ангел Божји и му рече дека Манутин ќе биде очистен од нечестието ако тој ги пренесе таму моштите на Светите Кир и Јован. Патријархот веднаш го направи тоа: ги пренесе чесните мошти на мачениците во Манутин и изгради таму црква, којашто им ја посвети на Светите Кир и Јован. Од моштите на овие маченици се исцели од шкрофул Амониј, синот на александрискиот градоначалник Јулијан; некој Теодор од слепило; Исидор од Мајум се исцели од раскапување на црниот дроб; една жена Теодора од отруеност; некој Евгениј од водена болест. Сето тоа се случи во 412 година.
Тропар
Чудата извршени од Твоите свети маченици, Христе Боже, за нас се покажаа карпа несоборлива. По нивните молитви, намерите на противниците разруши ги, народот заштити го, зашто си Единствен благ и Човекољубив.
ПОВРЗАНИ ВЕСТИ
Денес се празнува Преподобната маченичка Анастасија Римјанка
Родена е во Рим од благородни родители…
Денес се празнува Светата маченичка Параскева (Петка)
Родена е во градот Иконија од родители…
Денес се празнува Светиот маченик Нестор
Во времето на страдањето на Св. Димитриј…
Денес се празнуваат Светите маченици Маркијан и…
Овие Божји светители беа клирици при цариградскиот…
Денес се празнува Светиот маченик Арета
Овој Свет маченик пострада за Христовата вера…