Германски метеоролог со црни прогнози за Европа: Ова веројатно е најстуденото лето во следните три века

Климатологот Андреас Јегер предупредува дека овa лето е најстуденото во следните три века поради забрзаните климатски промени.

Германскиот метеоролог и климатолог Јегер порачува дека екстремните температури и силни бури нема да исчезнат. Според неговите проценки, овогодишното лето е веројатно најстуденото што Европа и светот ќе го искусат во следните три века.

Поројните дождови и бројните одрони од кал во Тирол доаѓаат непосредно по интензивниот топлотен бран што го зафати регионот. Климатологот Јегер посочува дека таков јуни не е забележан од почетокот на милениумот. Заедно со топлотниот бран од 2015 година, ова лето беа измерени едни од највисоките температури во историјата на мерењата. Повеќе од половина од мерните станици, вклучително и оние во австриските Алпи, пријавија историски рекордни жештини.

Во разговор за медиумите, Јегер ја истакна сериозноста на ситуацијата со јасна порака: „Ова е веројатно најстуденото лето во следните 300 години“. Јегер нагласува дека климатските промени не се измама, туку чиста физика. Иако граѓаните стануваат посвесни за проблемот поради одроните и жештините, тој предупредува дека одложувањето на мерките поради други кризи повеќе не е можно.

Share on Facebook

Tweet

Follow us

Save