(Видео) Локализиран пожарот кај село Бибај, Маврово: Навремената реакција спречи ширење на огнот

Пожарот што избувна во близина на село Бибај е навреме локализиран и изгаснат благодарение на брзата и координирана реакција на вработените во ЈУ Национален парк „Маврово“.

Од Националниот парк информираат дека со интервенцијата било спречено понатамошно ширење на пожарот и загрозување на околната природна средина.

Според првичните сознанија, постои сомневање дека пожарот бил предизвикан од човечки фактор. Оттаму апелираат до жителите и посетителите на паркот на максимална внимателност и одговорно однесување при престој во природа, особено во периоди со зголемен ризик од пожари.

Граѓаните се повикуваат да не оставаат отпад и запаливи материјали и доследно да ги почитуваат мерките и препораките за заштита од пожари.

„Навремената реакција спречува штета, но одговорното однесување го спречува пожарот“, порачуваат од ЈУ Национален парк „Маврово“.

Share on Facebook

Tweet

Follow us

Save