Иран со остро предупредување до земјите од Заливот: „Секоја помош за американската армија ќе ја сметаме за учество во војната“

Иран ги предупреди земјите од Заливот да не даваат никаква помош на американската војска, нагласувајќи дека тоа ќе го смета за поддршка на воените операции на Вашингтон против Исламската Република.

„Сакаме да предупредиме: секоја помош или соработка што и се дава на агресорската американска армија е еднаква на учество во воените операции на САД“, изјави началникот на Генералштабот на иранските вооружени сили, Али Абдолахи.

Во меѓувреме, Иран ги негираше обвинувањата дека вчера вечерта испалил ракети врз Обединетите Арапски Емирати (ОАЕ), опишувајќи ги како „целосно неосновани“, јави ДПА.

Претходно, Министерството за одбрана на ОАЕ објави дека биле пресретнати две балистички ракети лансирани од Иран.

Share on Facebook

Tweet

Follow us

Save