Двајца загинати и стотици илјади домаќинства без струја по силното невреме што го зафати Балтикот

Две лица загинаа, а снабдувањето со електрична енергија е делумно нарушено во балтичките земји по силните бури и обилните врнежи што го зафатија регионот.

Спасувачките служби извлекле тело на маж под паднато дрво во литванското село Мазионис, додека друг маж загинал откако врз него паднале делови од објект во латвискиот град Јелгава. Неколку лица се хоспитализирани поради здобиени повреди.

Повеќе од 250 илјади домаќинства во Литванија привремено останале без електрична енергија, соопшти националниот оператор, а сличен број домаќинства без струја останал и во соседна Летонија.

Електроенергетските компании посочуваат дека регионот на Балтичкото Море се соочува со испади во снабдувањето, главно поради паднати дрвја врз далноводите.

„Ова дефинитивно е најлошото невреме регистрирано летово“, изјави метеоролог од литванската метеоролошка служба за националното радио.

Share on Facebook

Tweet

Follow us

Save