Отпочната реконструкцијата на патот Добри Дол – Марков Манастир во Сопиште

Градоначалникот на Општина Сопиште, Јане Мицевски денеска информираше дека отпочнати се градежните активности за реконструкција на првата фаза од патниот правец Добри Дол – Марков Манастир, во должина од 500 метри.

Тој посочи дека во рамки на овој проект е опфатено и атмосферско одводнување на улицата, со што ќе се подобрат условите за движење, безбедноста и инфраструктурата за жителите.

„Ова е реализација на уште едно ветување од нашата политичка програма ветување кое го претвораме во конкретен резултат на терен. Голема благодарност до Владата на Република Македонија и Министерството за транспорт и врски за поддршката и соработката во реализацијата на овој значаен проект“, истакна Мицевски во објавата на Фејсбук.

Share on Facebook

Tweet

Follow us

Save