Уапсен е македонски државјанин во Србија, понудил мито на сообраќаен полицаец

Припадници на Министерството за внатрешни работи на Србија, по налог на Посебното одделение за сузбивање корупција при Вишото јавно обвинителство во Краљево, го уапсија државјанинот на Македонија – З.А.(43), поради постоење основи на сомнение дека сторил кривично дело поткуп.

Како што се наведува во соопштението на МВР на Србија, постои сомнение дека тој вчера им понудил паричен подарок на полициските службеници од Управата за сообраќајна полиција за да не му издадат прекршочен налог за сообраќајни прекршоци, откако ја пречекорил дозволената брзина управувајќи патничко моторно возило на автопат и се движел по левата лента иако десната лента била слободна за возење.На осомничениот му е одредена мерка задржување во траење до 48 часа и тој ќе биде изведен пред надлежното обвинителство со кривична пријава

Share on Facebook

Tweet

Follow us

Save