(Видео) Најмалку шестмина загинати при превртување на ферибот со 267 лица крај Кипар

Најмалку шест лица загинаа, кога ферибот со 267 лица се преврте крај бреговите на Северен Кипар, соопштија властите непризнатата Турска Република Северен Кипар.

Спред истите извори, фериботот се превртел на околу шест километри од брегот во близина на пристаништето Киренија/Гирне, од каде што претходно испловил кон турскиот град Ташуџу.

Во тек е обемна операција за спасување на патниците. Спасувањето го отежнува немирното брановито море.

Сликите од местото на настанот покажуваат како делумно потонетиот превртен брод се ниша напред-назад, а на него и околу него има луѓе. Исто така, се гледаат повеќе предмети на површината на морската вода.

Според севернокипарскиот премиерот Унал Устел , на фериботот имало 259 патници и осум членови на екипажот.

„Бродот требаше да отпатува за Турција вчера, но отплови денеска поради временските услови. Тој беше погоден од голем бран на отворено море и додека капетанот се обидуваше да го стабилизира, бродот почна да се полни со вода по удар на втор бран“, рече Устел.

Според локалните медиуми, капетанот се обидел да го врати фериботот во пристаништето Киренија, но бродот се превртел пред да стигне до брегот.

Share on Facebook

Tweet

Follow us

Save