Авионот на Зеленски за малку ќе бил погоден од дрон!

Авионот на Зеленски за малку ќе бил погоден од дрон при полетување од Молдавија, тврди норвешкиот премиер.

Норвешкиот премиер Јонас Гар Стрере за јавниот сервис НРК изјави дека авионот со украинскиот претседател Володимир Зеленски бил „за малку погоден“ од дрон при полетувањето од Молдавија во вторникот, 8 септември. Зеленски патувал кон Осло.

Приближно во исто време, два руски дрона навлегле во воздушниот простор на Молдавија, поради што аеродромот во Кишињев привремено ги прекинал пристигнувањата и полетувањата. Еден од дроновите паднал во Молдавија и предизвикал пожар, додека другиот продолжил кон воздушниот простор на Романија.

„Киев Индипендент“, повикувајќи се на извор, објави дека дронот за кој се претпоставува дека бил вклучен во инцидентот е руски дрон од типот „Шахед“ и дека неговото навлегување во воздушниот простор се совпаднало со полетувањето на Зеленски. Сепак, овој дел сè уште не е независно потврден од молдавските власти, а Стрере не откри колку блиску дронот дошол до авионот.

Share on Facebook

Tweet

Follow us

Save