INFOMAX.MK

Движењето „Студент“ во Србија попладнево достави потписи за изборниот список на граѓанската група „Студентски список – Студентите победуваат“ до Републичката изборна комисија (РЕК), телото кое ги спроведува и надгледува изборите во таа земја, пренесоа српските медиуми.

Студентите собираа потписи во текот на претходните два дена низ цела Србија, а денеска се собраа заедно со граѓаните пред Ректоратот на Универзитетот во Белград. Оттаму се упатија кон седиштето на РИК, најавувајќи го настанот како „прошетка на победници“.

Пред РИК, студентите беа поздравени од трубачи, додека Немања Каровиќ, доцент на Факултетот за педагошко образование, и Милица, студентка на Стоматолошкиот факултет, им се обратија на собраните пред Ректоратот.

Студентите и граѓаните маршираа кон РИК со звуците на „Маршот на Дрина“.

Студентите со себе ја носат силуетата на „победникот“ кој држи кутија во рака, како и бројни знамиња на различни факултети.

Студентите во блокадата ги повикаа граѓаните да достават потписи за листата „Студентски список – Студентите победуваат“ до Републичката изборна комисија за вонредните избори што треба да се одржат на 25 октомври.