Дизелот во Америка на историски рекорд – се разгледува дури и забрана за извоз

Енергетската криза сè посилно се чувствува во САД. Просечната цена на дизелот достигна рекордни 6,31 долари за галон, додека американските резерви се под силен притисок.

Според Barron’s, американските залихи се околу 13 проценти пониски од истиот период минатата година, а како една од можните мерки веќе се разгледува и привремено ограничување на американскиот извоз на дизел.

Проблемот е многу поголем од цената на бензинските пумпи.

Дизелот е крвотокот на транспортната економија – го користат камионите, земјоделските машини и голем дел од индустријата. Затоа растот на цената постепено се пренесува врз транспортот, храната и останатите производи.
Американската транспортна компанија J.B. Hunt веќе предупреди дека повисоките трошоци за дизел и други ставки можат да го намалат нејзиниот квартален профит за 5 до 10 проценти.

Share on Facebook

Tweet

Follow us

Save