Маскиран упаднал во обложувалница: Со закана зел пари и побегнал

Од Министерството за внатрешни работи информираат дека случајот бил пријавен на 18 септември во 00:30 часот во СВР Тетово.

Според пријавата, инцидентот се случил претходната вечер, околу 22:50 часот, во спортска обложувалница на улицата „Илинденска“. Осомничениот, кој бил маскиран, ѝ се заканил со нож на вработената и од неа одзел пари. По извршеното разбојништво, лицето го напуштило објектот и се оддалечило од местото.

Полицијата извршила увид на местото на настанот, а во тек се мерки и активности за пронаоѓање на лицето и целосно расчистување и документирање на случајот.

Од МВР велат дека по утврдувањето на сите околности ќе следуваат соодветни мерки согласно закон.

Share on Facebook

Tweet

Follow us

Save