Гостиварец заминал на работа и исчезнал, по неколку часа бил пронајден мртов на стадион а до него имало моторна пила

60-годишен гостиварец доцна синоќа бил пронајден починат на фудбалскиот стадион во селото Равен. Човекот утрото отишол на работа, но откако цел ден го немало и не се јавувал на телефонот, сопругата вечерта го пријавила дека е исчезнат, соопшти Министерството за внатрешни работи.

Според информациите, при увидот тешко се повредил и полициски службеник откако паднал во шахта.

„На 21 септември во 23:15 часот во ОВР Гостивар, Ј.А. (45) од Равен пријавила дека нејзиниот сопруг А.А. (60) околу 7 часот заминал на работа во Гостивар, но не се вратил дома и не одговарал на телефонските повици. По преземените мерки и активности, во 00:20 часот на 22 септември А.А. бил пронајден починат на фудбалскиот стадион во селото. Во негова непосредна близина била пронајдена моторна пила“ соопшти МВР.

Смртта ја констатирал лекар од Ургентниот центар во Гостивар, по што на местото бил извршен увид од јавен обвинител, лекар по судска медицина, увидна екипа од ОВР Гостивар и екипа на Територијалната противпожарна единица Гостивар.

За време на службените дејствија, околу 1:50 часот, полициски службеник паднал во отворена и необележана бетонска шахта длабока околу 1,5 метри. Тој се здобил со тешки телесни повреди, кои биле констатирани во Медицинскиот центар во Гостивар.

Share on Facebook

Tweet

Follow us

Save