INFOMAX.MK

По повеќемесечни тензии околу иднината на Гренланд, Доналд Трамп, данската премиерка Мете Фредериксен и премиерот на Гренланд Јенс-Фредерик Нилсен постигнаа договор кој значително ќе го прошири американското воено присуство на островот.

Договорот не предвидува Гренланд да стане американска територија, што претходно беше една од најконтроверзните идеи на Трамп. Наместо тоа, Вашингтон добива многу пошироки безбедносни можности на стратешки исклучително важниот остров.

Според Reuters, договорот овозможува поставување компоненти на американскиот противракетен систем „Golden Dome“, а предвидено е и дополнително американско воено присуство.

Гренланд е клучен бидејќи се наоѓа на најкратката стратешка рута меѓу Северна Америка, Европа и Русија. Истовремено располага со огромни резерви на минерали, поради што островот станува сè поважен и во американско-кинеското ривалство.

Фредериксен нагласи дека договорот го почитува правото на самоопределување на Гренланд и го зајакнува НАТО.

Со ова Вашингтон практично добива значително посилна позиција на Арктикот без формално преземање на островот.