Литванија ја укинува уставната забрана за нуклеарно оружје

Парламентот на Литванија гласаше за укинување на уставната забрана на земјата за нуклеарно оружје, во првото од двете гласања потребни за измена на Уставот.

Британските медиуми пренесуваат дека за предложената промена гласаа вкупно 106 од 141 пратеници во парламернот, додека второто гласање е закажано за 12 јануари.

За одобрување на амандманот е потребно двотретинско мнозинство во двете гласања.

Литванскиот претседател Гитанас Науседа изјави во јули дека политичките партии се согласиле да ја укинат забраната, наведувајќи дека Русија ја менува безбедносната ситуација во регионот.

Науседа рече дека во моментов нема планови за распоредување нуклеарно оружје во Литванија, но укинувањето на забраната ќе ѝ овозможи на земјата да преземе соодветни чекори доколку се промени безбедносната ситуација.

Според него, Литванија ќе остане потписник на Договорот за неширење на нуклеарно оружје.

Share on Facebook

Tweet

Follow us

Save