Црна Гора пред вратите на ЕУ: Кос најави крај на преговорите до почетокот на 2027

Црна Гора би можела да го заврши техничкиот дел од преговорите со Европската Унија до крајот на оваа или на почетокот на следната година, доколку продолжи со реформите и постигнувањето резултати, изјави европската комесарка за проширување Марта Кос.

Кос нагласи дека Европската комисија ја поддржува целта на црногорската Влада земјата да стане 28. членка на Европската Унија во 2028 година.

„Црна Гора вложи многу енергија и постигна многу добри резултати. Врз основа на тоа, Црна Гора би можела да го заврши техничкиот дел од преговорите до крајот на оваа или на почетокот на следната година“, изјави Кос.

Според неа, веќе се работи и на подготовка на договорот за пристапување. Доколку процесот продолжи според планот и има согласност од земјите членки, Црна Гора би можела да го потпише договорот за пристапување во текот на 2027 година.

По потпишувањето ќе следува процесот на ратификација во земјите членки, кој, според досегашните искуства, може да трае меѓу една и две години.

Кос оцени дека Црна Гора постигнала значителен напредок во пристапниот процес и повтори дека Европската комисија ја поддржува амбицијата земјата да стане полноправна членка на ЕУ во 2028 година, доколку продолжи да ги исполнува преземените обврски.

Share on Facebook

Tweet

Follow us

Save