Полицијата во засилена акција: 161 прекршок кај моторџии, велосипедисти и возачи на тротинети

Полицијата вчера спровела засилени сообраќајни контроли низ целата држава, насочени кон возачите на велосипеди, мопеди, мотоцикли, трицикли, четирицикли и лесни електрични возила.

Во акцијата, која траела од 11 до 17 часот, биле констатирани вкупно 161 прекршок, за кои биле преземени соодветни мерки.

Најмногу прекршоци биле евидентирани на подрачјето на СВР Битола – 44. Мобилната единица за безбедност на сообраќајот регистрирала 28 прекршоци, додека во Велес и Струмица биле утврдени по 22.

Во рамките на контролите биле поднесени и осум кривични пријави согласно член 297-а од Кривичниот законик.

Покрај прекршоците кај возачите на двоколки и лесни електрични возила, полицијата регистрирала уште 493 други сообраќајни прекршоци.

Од МВР најавуваат дека засилените контроли ќе продолжат и во наредниот период со цел поголема безбедност и почитување на сообраќајните правила.

Share on Facebook

Tweet

Follow us

Save