Аеродромот во Ријад останува затворен, откриени нови закани од ракети и дронови

Саудиска Арабија ја продолжи суспензијата на летовите на Меѓународниот аеродром „Крал Халид“ во Ријад, по новите ракетни напади на Хутите и откривањето дополнителни безбедносни закани.

Одлуката следува по нападот во саботата, во кој загинаа 13 лица, а повеќе од 300 беа повредени. Саудиската државна телевизија објави снимки од надзорните камери на кои се гледа моментот на ударот во терминалот, по што просторот го прекриваат чад и остатоци.

Саудиската управа за цивилно воздухопловство соопшти дека аеродромот ќе остане затворен додека не завршат сите безбедносни проверки. Војската, пак, информираше дека се откриени нови закани поврзани со ракети и беспилотни летала.

Затворањето на аеродромот се случува во време кога во Ријад се одржува 25-тата Светска конференција за нафта. Саудиските власти настојуваат да покажат дека земјата продолжува нормално да функционира и покрај нападите и зголемените безбедносни ризици.

Саудискиот министер за енергетика Абдулазиз бин Салман на конференцијата порача дека „стравот нема место во саудискиот речник“, нагласувајќи ја отпорноста на енергетскиот систем и подготвеноста на земјата да се справи со кризата.

Share on Facebook

Tweet

Follow us

Save