(Документи и докази) Стејт департментот го нотирал контроверзното назначување на Иван Барбов за директор во времето на Заев – Во мандатот на Шилегов добил заедничка награда од Град Скопје со Филипче

Американскиот Стејт департмент во својот извештај за човековите права во Македонија за 2017 година го издвоил назначувањето на доктор Иван Барбов за вршител на должност директор на Универзитетската клиника за неврологија во Скопје како контроверзно. Причината била неговата претходна осуда во случај поврзан со незаконско издавање документација за инвалидски пензии

Назначувањето се случило во 2017 година, во периодот кога со Владата раководел Зоран Заев, а СДСМ ја предводел владејачката коалиција.

Во официјалниот извештај на американскиот Стејт департмент експлицитно се наведува:

„Именувањето на Иван Барбов за в.д. директор на Универзитетската клиника за неврологија во Скопје, исто така, беше контроверзно. Барбов беше осуден и доби условна казна во 2012 година за учество во група која им наплаќа на пациентите за нелегални документи за инвалидска пензија.“

Овој навод претставува значаен документ бидејќи контроверзијата околу назначувањето на Барбов не била предмет само на домашни политички реакции, туку била вклучена и во официјалниот годишен извештај на американската администрација.

Барбов назначен во периодот на владата на Заев

Во 2017 година, по формирањето на владата предводена од Зоран Заев, Барбов бил поставен на раководната функција во Клиниката за неврологија.

Особено внимание привлекува фактот што неговото назначување било реализирано и покрај претходната судска пресуда од 2012 година,

Во тој период здравствениот систем го раководи Венко Филипче коиј кон крајот на 2017 година ја презел функцијата министер за здравство.

Професионална поврзаност со Венко Филипче

Барбов и Филипче не биле поврзани само преку институциите на здравствениот систем.

Во 2021 година, двајцата биле дел од медицински тим кој ја добил наградата „13 Ноември“ на Град Скопје за здравствена заштита, поради изведување на првата имплантација на стимулатор на вагусниот нерв кај пациент со епилепсија резистентна на лекови.

Нивните имиња се наведени во официјалната документација за наградата, што претставува потврда за непосредна професионална соработка.

Името на Барбов повторно се најде во јавноста во октомври 2026 година, по објавувањето информации за медицински извештај поврзан со Ива Михаилова.

Инфомакс дојде до документ кој потврдува дека Иван Барбов е докторот кој се потпишува на дијагнозата на Ива Михајлова со која се тврди дека и се заканува опасност да остане во инвалидска количка.

ВМРО-ДПМНЕ јавно побара да се испита дали поранешниот премиер Зоран Заев и поранешниот министер Венко Филипче имале влијание врз изготвувањето на медицинскиот извештај.

Најзначајниот аспект на случајот останува фактот дека американскиот Стејт департмент уште во 2017 година ја евидентирал контроверзијата околу назначувањето на Барбов.

Документот потврдува дека неговата претходна осуда била јавно релевантно прашање во моментот кога добил раководна позиција во јавна здравствена установа.

Останува прашањето кои институции ја донеле одлуката за именување на Барбов, дали при изборот била разгледана неговата претходна осуда и како биле применети критериумите за назначување на раководни кадри во јавното здравство.

Share on Facebook

Tweet

Follow us

Save