(Видео) Василев: Јотова го помилува „Петричкиот Ескобар“

Бугарскиот пратеник Асен Василев обвини дека поради недостиг на кворум пропаднала вонредната седница на парламентарната Комисија за правни прашања, на која требало да се разгледуваат законски измени за поголема транспарентност на одлуките за помилување.

Според неговата изјава, од владејачкото мнозинство на седницата присуствувала единствено претседателката на комисијата, Јанка Тјанкова од „Прогресивна Бугарија“.

Со предложените измени се предвидува одлуките за помилување да се објавуваат во бугарскиот службен весник „Државен весник“. Василев посочува дека предлогот бил поднесен по скандалот со помилувањето на лице познато под прекарот „Петричкиот Ескобар“.

„Така беа блокирани измените во законот што предвидуваат одлуките за помилување да се објавуваат во ‘Државен весник’“, порача Василев.

Тој најави дека веќе се собираат потписи за свикување нова вонредна седница на бугарското Народно собрание, со цел прашањето повторно да се најде пред пратениците.

„Граѓаните имаат право да знаат кого помилува Илијана Јотова и зошто“, истакна Василев, барајќи јавноста да има увид во одлуките и причините за помилувањата.

Share on Facebook

Tweet

Follow us

Save