(Видео) Голем пожар на дива депонија меѓу Дабиле и Петралинци, струмичките пожарникари на терен

Голем пожар избувна на дива депонија лоцирана помеѓу струмичките села Дабиле и Петралинци. Екипи на Територијалната противпожарна единица (ТППЕ) Струмица се на терен и интервенираат за локализирање на пожарот и спречување на неговото понатамошно ширење.

За пожарот информираа пожарникарите од Струмица, кои предупредуваат дека горењето отпад на дивите депонии претставува сериозна опасност за животната средина и квалитетот на воздухот.

При согорувањето на отпадот се ослободуваат чад и штетни материи кои можат негативно да влијаат врз здравјето на луѓето и околината.

Од ТППЕ Струмица апелираат до граѓаните да не создаваат диви депонии и да не палат отпад, посочувајќи дека последиците од ваквите пожари можат да бидат сериозни и долготрајни.

Пожарникарите се на терен, а апелот до граѓаните е јасен – спречувањето на ваквите појави е заедничка одговорност.

Share on Facebook

Tweet

Follow us

Save