ТРИ ГОДИНИ ЗАТВОР: Полицаец осуден за пукањето во Милан Јовановиќ!

Косовскиот полицаец Кораб Пепај е осуден на три години затвор за обид за убиство на Милан Јовановиќ, кој бил застрелан на 11 април 2023 година во близина на мостот на реката Бистрица, на патниот правец меѓу Лепосавиќ и Митровица.

Пресудата ја донел Основниот суд во Митровица, а во изречената затворска казна ќе му биде пресметано и времето што Пепај го поминал во притвор, пренесува „Радио Ким“.

Случајот претходно бил вратен на повторно судење, откако Апелациониот суд во Приштина ја укинал првичната пресуда. Причината биле утврдените противречности во исказите на судските вештаци, поради што било потребно повторно разгледување на доказите.

Во текот на постапката, вештакот по судска медицина ги отстранил сомнежите дека токму Кораб Пепај пукал кон Јовановиќ и му нанел повреди опасни по живот. Ова претходно го изјавил адвокатот на оштетениот, Милош Делевиќ.

Милан Јовановиќ, Србин од Звечан, бил ранет со огнено оружје на 11 април 2023 година, во близина на мостот на реката Бистрица, на патот што ги поврзува Лепосавиќ и Митровица. При инцидентот се здобил со повреди во пределот на градниот кош.

Share on Facebook

Tweet

Follow us

Save