(Видео) Затворен е мостот на Крим по украински напад со ракета „фламинго“
Украина предизвика сериозни оштетувања на Кримскиот мост, кој го поврзува окупираниот Крим со Русија, при ракетен напад извршен во текот на ноќта. Според украинските власти, ова претставува симболичен удар врз Кремљ.
Фотографиите што кружат на социјалните мрежи покажуваат дека еден лак од мостот долг 227 метри паднал во Керченскиот теснец, кој го поврзува Азовското со Црното Море. Оштетен е и соседниот железнички лачен распон..
Украинскиот комесар за санкции, Владислав Власјук, објави кратка порака на платформата Икс велејќи „Кримски мост. Под санкции“.
На снимките се гледа украинска крстосувачка ракета „фламинго“ неколку секунди пред да удри во делот на мостот наменет за патен и железнички сообраќај, по што следува експлозија.
Сергеј Аксјонов, гувернерот на Крим назначен од Кремљ, потврди дека мостот, кој привремено вчера беше затворен, повеќе не е во функција.
„Непријателот повторно го нападна Кримскиот мост. Во моментов сообраќајот е запрен. Ги замолуваме жителите и посетителите на Крим да не патуваат кон мостот и да ги земат предвид овие ограничувања при планирањето на своите патувања“, напиша тој.
Министерство за транспорт на Телеграм објави дека експертите ја проценуваат штетата и оти според првичните информации нема смртни случаи или повредени.
🇺🇦🇷🇺 KRIM-BRÜCKE: Wenn sich diese Schäden bestätigen, hat Russland ein gewaltiges Problem. (1/3) https://t.co/nSqCoLlt37
— Anna (@AnnaDeMilanese) November 17, 2026
ПОВРЗАНИ ВЕСТИ
(Видео) Затворен е мостот на Крим по…
Украина предизвика сериозни оштетувања на Кримскиот мост,…
Танкер потона во близина на бугарскиот брег…
Танкерот „ГАС ХАСКИ“ потона околу 50 милји…
„Имам голем проблем да барам од вас…
Вие пратениците нè претставувате нас, ги претставувате…
„Анима Мунди“ бара хумано згрижување на кравите…
Здружението за заштита на животните „Анима Мунди“…
Хорор во Србија: Десет деца повредени на…
Десет деца на возраст од осум и…