Aрсовски до ЕУ и САД: Не сфаќаат дека Бугарија ги загрозува македонскиот идентитет, јазик и историја“

не сфаќаат дека Бугарија ги загрозува македонскиот идентитет, јазик и историја“

„И покрај притисоците, Бугарија продолжува со хегемонистичко однесување, кое е покажување моќ на една поголема и помоќна земја над помала соседна земја, прекршувајќи ги сите меѓународни норми, со тоа што го негира и го оспорува правото на секој народ да се самоидентификува преку својот јазик и историја.’ – оваа порака на Едвард Џозеф, предавач на универзитетот ‘Џон Хопкинс’ во Вашингтон, поранешен шеф на Меѓународната кризна група, кој се смета и за еден од креаторите на политиките на САД, е само уште една во низата осуди на адреса на Бугарија и барање поцврста реакција на ЕУ и САД за отстранување на бугарското вето кон Македонија.“ – вели Сашо Таневски во својата анализа со наслов „Крај на противправното бугарско вето“, која ја објави весникот „Нова Македонија“.

Таневски пишува: „Бугарија нема намера да го крене ветото за почеток на пристапните преговори на Македонија без да бидат исполнети нејзините условувања и уцени содржани и во декларацијата усвоена во тамошното Народно собрание. Едвард Џозеф, предавач и виш соработник во Школата за напредни и меѓународни студии при универзитетот ‘Џон Хопкинс’ во Вашингтон, смета дека Бугарија се обидува да наметне своја верзија на историјата и на идентитетот на Македонија. Импулсот за поткопување на македонскиот идентитет и историја е поттикнат од самата Бугарија.’ – вели Џозеф, лоцирајќи ја вината за блокадата исклучиво на бугарска страна.“

„Според него, станува збор за деструктивно вето наметното од страна на Софија, за што САД и Европската Унија треба да имаат многу посериозен пристап, особено сега, во момент кога во Украина беснее војна. ‘САД и ЕУ треба да станат посериозни во однос на тоа што се дозволува постоење такво неправедно и деструктивно вето. Бугарија го негира напредувањето во ЕУ, како на с.Македонија, така и на Албанија.’ – изјави Џозеф.“

„Има некои позитивни придвижувања и кај ЕУ и кај САД дека проблемот со бугарското вето треба да се реши час поскоро, бидејќи и Брисел и Вашингтон се свесни дека мора да бидат внимателни со регионот. Оти секогаш е можен тој домино-ефект кога станува збор за прелевање на нестабилноста. Таа војна не е многу далеку.’ – вели Љупчо Арсовски, дипломат од кариера и прв македонски амбасадор во Грција.“

„За него не е спорно дека и ЕУ и САД вршат некаков притисок врз Бугарија да го отстрани деструктивното вето, но тие проблемот не го чувствуваат емотивно како нас и затоа дозволуваат тој долго да опстојува. ‘И ЕУ и САД вршат притисок врз Софија, но одговорот што го добиваат од таму е дека тие се суверена држава, имаат државна позиција во својот парламент и дека преговараат со македонската страна за наоѓање решение. Тоа на Брисел и Вашингтон им е доволно, тие едноставно не го сфаќаат моментот дека се загрозуваат идентитетот, јазикот и историјата на еден народ.’ – нагласува Арсовски, дополнувајќи дека во ваква ситуација македонските власти не треба да брзаат по секоја цена за почеток на пристапните преговори со ЕУ.“

Целата анализа можете да ја прочитате тука.

Share on Facebook

Tweet

Follow us

Save