(Видео) Американската војска заплени уште еден танкер поврзан со шверц на иранска нафта

Американската војска заплени уште еден танкер поврзан со шверц на иранска нафта, соопштија американски официјални лица, како дел од засилената операција против, како што велат, нелегалните мрежи што го поддржуваат Иран.

Танкерот „Маџестик Икс“ беше запленет во Индискиот Океан, според Пентагон, а објавено е и видео од американските сили на неговата палуба, објави АП. Бродот наводно бил под санкции на САД поради претходен шверц на иранска нафта и пловел кон Кина.

Министерството за одбрана на САД соопшти дека ќе ги продолжи своите операции за „глобално спроведување на поморскиот закон“ за пресретнување на бродови поврзани со извоз на иранска нафта. Заплената следеше по, како што рече, новите инциденти во Ормутскиот теснец, каде што иранските сили претходно ја презедоа контролата врз неколку бродови. Европскиот комесар за енергетика, Ден Јоргенсен, предупреди дека нарушувањата на пазарот имаат сериозни последици за европската економија и дека трошоците од кризата достигнуваат стотици милиони евра дневно.

Share on Facebook

Tweet

Follow us

Save