INFOMAX.MK

Руското Министерство за транспорт остро реагираше на запленувањето на танкерот „Бела 1/Маринер“ од страна на САД, обвинувајќи го Вашингтон за кршење на Конвенцијата на ОН за правото на морето од 1982 година.

Во соопштението за медиумите, тие нагласија дека „ниту една земја нема право да употреби сила против бродови правилно регистрирани во јурисдикциите на други земји“.

Министерството, исто така, потврди дека танкерот добил привремена дозвола за пловење под руско знаме на 24 декември минатата година.

Американските власти го потврдија запленувањето на втор танкер во Карибите, кратко откако беше објавено дека брод под руско знаме, пресретнат во Северниот Атлантик, бил поврзан со транспорт на венецуелска нафта.

Шефот на американската внатрешна безбедност изјави дека крајбрежната стража спровела инспекции на два брода што припаѓаат на таканаречената „флота во сенка“.

Претходно беше снимено движењето на неколку воени авиони кон танкерот „Маринера“ во Северниот Атлантик, а руските медиуми споделија и снимки од хеликоптери во близина на бродот.

Според податоците за следење, танкерот моментално се наоѓа на околу 200 километри јужно од Исланд и неодамна го променил курсот.

In two predawn operations today, the Coast Guard conducted back-to-back meticulously coordinated boarding of two “ghost fleet” tanker ships— one in the North Atlantic Sea and one in international waters near the Caribbean. Both vessels —the Motor Tanker Bella I and the Motor… pic.twitter.com/cFuNDtYR8n

— Kristi Noem (@KristiNoem) January 7, 2026