Внукот на Тоше, Кристијан, со емотивна објава се присети на својот вујко

Кристијан Ристески, внукот на Тоше Проески, со емотивна објава се присети на својот вујко, на денот кога навршуваат 19 години од неговата смрт.

Тој на својот инстаграм-профил сподели две фотографии и покажа дека сè уште длабоко тагува по загубата на својот вујко.

На едната фотографија Кристијан и Тоше се прегрнуваат, а другата е од пејачот на еден од неговите настапи.

Кристијан, исто така е музичар, а љубовта кон музиката ја развивал уште како дете покрај својот вујко. Со Тоше го сними емотивниот дует „My Little One“. Кристијан имал само девет години кога ја снимиле, а песната подоцна беше објавена на постхумниот албум „The Hardest Thing“.

Во 2018 година Кристијан посериозно зачекори на музичката сцена со „We Are Blood“, на која работеше со британскиот продуцент и соработник на Тоше, Енди Рајт. Песната беше претставена на големиот концерт во Скопје во чест на Тоше, а подоцна се најде и на албумот „Secret Place“.

Share on Facebook

Tweet

Follow us

Save