Вучиќ отпатува за Москва

Српскиот претседател Александар Вучиќ отпатува за Москва, каде што ќе присуствува на Парадата на победата на Црвениот плоштад, јавија српски медиуми, но засега нема потврда од Кабинетот.

Кремљ вчера објави дека претседателот на Србија ќе се сретне со рускиот претседател Владимир Путин в петок.

Помошникот на рускиот претседател Јуриј Ушаков вчера изјави за руски медиуми дека стратешката соработка меѓу Русија и Србија е заемно корисна.

„Покрај дискусиите за билатерални прашања, ќе бидат разменети мислења и за состојбата на Западен Балкан“.

Пред да замине за Москва, Вучиќ претпладнето во Белград имаше средба со рускиот амбасадор во Србија, Александар Боцан Харченко.

На 9 мај, Русија ја одбележува 80-годишнината од победата над фашизмот во Втората светска војна со парада на Црвениот плоштад во Москва и низа други настани. Се очекува да присуствуваат повеќе од 20 светски лидери.

Засега нема официјална потврда од Естонија, Летонија и Латвија дека е забранет прелет над тие држави за челници кои ќе присуствуваат во Москва, иако во изминатите два дена српски медиуми јавија дека е одлучено во тие балтички земји да не се даде дозвола за авиони чија крајна дестинација е Москва.

Вучиќ во саботата попладне беше примен на Военомедицинската академија (ВМА) во Белград. На него ненадејно му се слошило за време на посетата на САД, по што побарал медицинска помош и по прегледот била донесена одлука да се врати во Србија. Поради тоа, не можеше да се појави на главните настани за кои беше во САД.

Share on Facebook

Tweet

Follow us

Save