Грција: Уапсени родители на четиримесечно бебе кое било изгладнувано – завршило на интензивна нега

Полицијата во грчкиот град Патра, на југот на земјата, ги уапсила родителите на четиримесечно бебе кое било хоспитализирано на одделението за интензивна нега со знаци на изгладнување.

Во полициското соопштение се наведува дека бебето во средата било донесено во болница во „полумртва состојба“. Неговата состојба сега е постабилна, па од интензивна нега е префрлено на редовно болничко одделение.

Лекарите го известиле случајот во полиција, по што истражителите утврдиле дека, според нивните сознанија, родителите редовно го оставале бебето без храна.

Родителите биле уапсени во четвртокот. Двајцата се соочуваат со обвиненија за обид за убиство поради запоставување и за семејно насилство.

Share on Facebook

Tweet

Follow us

Save